Kompania Balfin Construction
Vlerëson rëndësinë e përgjegjësisë sociale të korporatës. Jemi të ndërgjegjshëm mbi rëndësinë e pozicionit tonë në shoqërinë civile dhe të peshës së kontributit e përpjekjeve tona për të bërë biznes në mënyrë të hapur dhe të drejtë. Filozofia e kompanisë sonë udhëhiqet nga këto parime:Shërbime dhe produkte cilësore
Balfin Construction siguron shërbime dhe produkte të cilësisë së lartë. Ne punojmë në interes të zhvillimit të konsumatorit dhe nënkontraktorëve. Ne kujdesemi që aktiviteti ynë të respektojë standardet evropiane të cilësisë.
Kujdes ndaj punonjësve
Kujdesemi për mbrojtjen e punonjësve, sigurinë dhe shëndetin e tyre në ambientin e punës. Respektojmë standardet më të larta të sigurisë, ofrojmë aktivitete trajnuese dhe një sistem të shkëlqyer monitorimi për respektimin e niveleve të ndryshme të sigurisë.
Kujdes ndaj komunitetit
Përkujdesemi që aktiviteti ynë të ruajë interesin e komunitetit. Ndërtimet dhe investimet tona kanë fokus kryesor plotësimin e nevojave të komunitetit për banim dhe tregtim. Zhvillojmë zona të caktuara, investojmë në përmirësimin e infrastrukturës përkatëse dhe zhvillimit urban e turistik.